مبادرة للإصلاح بين الأزواج فى هذه الأيام المفترجة

بقلم الشيخ : عبده الأزهرى – من علماء الأزهر والأوقاف
( استشارى العلاقات الإنسانية والارشاد الأسرى )

في الأيام المفترجة دي، قلوبنا بتبقى أقرب لله، والدعوات أقرب للقبول، فـ ليه منخليشها كمان فرصة إن قلوبنا تبقى أقرب لبعض؟

 زوج وزوجة زعلوا، ويمكن كل واحد شايف إنه على حق، لكن مفيش حق أعظم من إننا نرجّع المودة والرحمة لبيوتنا.

قال رسول الله ﷺ: “ألا أخبركم بأفضل من درجة الصيام والصلاة والصدقة؟”
قالوا: بلى يا رسول الله.
قال: “إصلاح ذات البين.”

العيد قرب.. خليه عيد على قلوب صافية، وبيوت عامرة بالمحبة.
ابعت لها “كل سنة وانتي طيبة”..

قولى له “ربنا يجمعنا على خير”..

وخلّوا العيد ييجي وأنتم على طاعة وسلام.

 انشر الخير.. وابدأ بنفسك، ولو تعرف زوجين زعلانين، خليك سبب في لمّ الشمل.