كيف تختار شريك حياتك { سلسلة على درب السعادة الزوجية}

بقلم الاستاذة : سيدة حسن 

بين القلب والدين والعقل:
الزواج مش قرار لحظي ولا مشاعر طارئة ولا هو مشروع بنشتغل عليه ونخلصه في شهر أو سنةالزواج ميثاق غليظ والمفروض إننا بندخل عليه بقلب واعي، وعقل صاحي، ونية طاهرة. قال تعالى: “وَأَخَذْنَ مِنكُم مِّيثَاقًا غَلِيظًا” [النساء: ٢١]

وهنا بقى ييجي السؤال اللي بيقلّب قلوب الشباب والبنات: أختار بإيه؟ بالعقل؟ ولا القلب؟ ولا بالدين؟ ولا بالشكل؟

 الدين نور الطريق:
الرسول ﷺ قال: “فاظفر بذات الدين تربت يداك”وفي رواية للرجال: “إذا جاءكم من ترضون دينه وخلقه فزوّجوه” [الترمذي] الدين مش بس صلاة وصيام الدين خلق، وصدق، ورحمة، وحُسن عشرة الدين هو اللي هيصبرك على الأيام الصعبة، وهيخلي الطرف التاني يخاف ربنا فيك لو اختلفتوا بس التدين لوحده؟مش كفاية.

 العقل ميزان القرار :
مش كل متدين يصلح ليك كشريك حياة العقل بيشوف هل في تكافؤ؟هل القيم الأساسية متشابهة؟ هل في لغة حوار؟. هل في أهداف قريبة من بعض؟الزواج مش بس إيمان ده عشرة. قال الإمام علي رضي الله عنه: “لا تزوجوا نساءكم لحُسنهن، فعسى حسنهن أن يرديهن، ولا لمالهن، فعسى مالهن أن يطغيهن، ولكن تزوجوهن على الدين.”

ثم يُكمل الطريق: “وإن اجتمع الدين والعقل، والقلب فذاك هو الخير كله

 القلب إحساس لا يُهمل :
القلب مش عدو بس مش دايمًا صادق. الانجذاب مهم، والراحة النفسية نعمةلكن القلوب أحيانًا بتتعلق بظل فقط صوره حلوة مش أصل.

 وهم الحب ونهاية الاندفاع :
فيه ناس بتحب تتجوز عشان “اللي بتحبه”بس الحب من غير توافق ديني وعقلي بيذوب مع أول موقف.الشيخ الشعراوي قال: “إذا لم يكن الحب على أساس من الدين، كان أقرب للهوى منه إلى الرحمة.”

 الاستخارة والاستشارة :
قبل أي خطو الجأ للي شايف الصورة كلها صلّي استخارة من قلبك، مش بس أداء. وسيبها تمشي على بركة ربنا واستشر الناس اللي بيحبوك ويخافوا عليك مش اللي بيزقّوك لمجرد الفرحة.“ما خاب من استخار، ولا ندم من استشار.”
 “تخيروا لنطفكم فإن العرق دساس”اختار من بيت طيب وأصل محترم، لأن الأخلاق والطباع بتنتقل، وبتظهر مع العِشرة ومهما اتخبى “العرق دساس”

إشارات حمراء قبل الجواز :البخل الكذب الازدواجية في الشخصية عقوق الأهل التقليل من الناس التهرب من المسؤولية النفاق

جرب تختبر شريك حياتك في مواقف:
الغضب ، الخلاف ، تحمل المسؤولية محدش بيتغير بعد الجواز، واللي مش عاجبك النهارده هيكون عبء عليك بكرة.وفي النهاية، افتكر دايمًا إن الاختيار الصح بداية الطريق، وإن القلب اللي بيطلب رضا ربنا عمره ما هيحتار.

اللهم ارزقنا حسن الاختيار، ووفّق كل قلب لما فيه سعادته ورضاك، واجعل لنا من كل علاقة سكنًا ومودةً ورحمة. آمين.

 خلاصة رسالتنا ليك:
اختار اللي بيقربك من ربنا مش اللي يبعدك اختار اللي هيرحم ضعفك مش اللي هيستغل قوتك اختار بعينك وقلبك بس أوّلهم دينك وافتكر دايمًاالزواج مش هدف الزواج وسيلة للوصول لسكينة ربنا قال عنها: “لِتَسْكُنُوا إِلَيْهَا” [الروم: ٢١]